As últimas tecnoloxías
permítennos reducir custos
e ofrecer un servizo rápido
e da máxima calidade.

 

COMUNICACIÓN

Para nós, a tradución favorece a creación de espazos de diálogo entre distintos idiomas para que as persoas e as empresas establezan un fío de comunicación.


«A tradución é aquilo que o cambia todo para que nada cambie»


GÜNTER GRASS

En Globalingua non só che ofrecemos a mellor tradución posible para os teus textos, senón que tamén poñemos á túa disposición outros servizos complementarios de tradución xurada ou de revisión e corrección de textos, ademais dun servizo de interpretación que che permitirá comunicarte con falantes doutros idiomas.

TRADUCIÓN ESTÁNDAR


O noso equipo de tradutores está formado por profesionais con distintas linguas maternas e conta cunha ampla experiencia en distintos eidos de especialización, como a tradución xurídica, técnica, institucional ou de marketing e publicidade.

Non importa a extensión nin a complexidade técnica do documento que necesites traducir: en Globalingua, ocupámonos de todo o ciclo de vida da túa documentación e dos teus contidos multilingües.

TRADUCIÓN XURADA


Nalgunhas ocasións, as autoridades solicitan traducións ou interpretacións xuradas para certificar que un documento é unha tradución fidedigna dun texto orixinal. Estas traducións debe realizalas, asinalas e selalas un tradutor xurado oficial habilitado polo Ministerio de Asuntos Exteriores, Unión Europea e Cooperación, e adoitan facerse a partir de contratos, escrituras, poderes, validacións de títulos e expedientes académicos, certificados de matrimonio, partidas de nacemento, etc.

TRADUCIÓN EXPRÉS


A tradución automática experimentou grandes avances nos últimos anos. Hoxe en día, ofrece vantaxes en comparación coa tradución convencional, como o aforro de tempo e custos.

Con todo, para poder acadar unha tradución de calidade, é necesario contar con coñecementos especializados en postedición que permitan afrontar as particularidades deste tipo de encargas. En Globalingua, o noso equipo, formado por profesionais cunha extensa experiencia neste eido, asesorarate acerca da opción que mellor se adapte ao teu proxecto.

INTERPRETACIÓN


Que os idiomas non supoñan unha barreira nas túas comunicacións! Poñemos á túa disposición os nosos servizos de interpretación simultánea en cabina e de interpretación consecutiva. A nosa flexibilidade permite unha completa mobilidade dos nosos profesionais, que poderán acompañarte nas túas viaxes, feiras ou reunións con clientes estranxeiros se precisas un mediador lingüístico e cultural de confianza.